卸任感言

香港浸會大學國際學院 社會及公共政策研究學會 第一屆執行委員會 「甲子」 卸任感言

首先，好感謝各位莊員、以往各個活動中嘅helper，好感謝你地係過去一年嘅鼎力幫忙，如果無你地，學會就無今日成就。

其次，要好感謝dr. lai、其他老師及職員嘅幫手同支持，你地嘅意見好實用，幫我地解決左好多煩惱。

係過去一年，睇住一個學會由無到有，慢慢地建立我地嘅框架、我地嘅架構。一年任期過去，一直嘗試將校政議題、社會事務同各位同學連結，雖然唔少行動都無功而返，但至少我地成功喚起同學嘅關注。

係CIE入面，甚至好多院校，入莊嘅氣氛並不濃厚，學業嘅壓力，升學嘅煩擾，私人事情嘅忙碌，絕不較上莊少。好感謝各位莊員，唔止一個sem去幫手，去忙碌，去奔跑。全賴有你地，我地今時今日能夠以成為CIE入面最活躍嘅學生組織為榮。

香港浸會大學國際學院 社會及公共政策研究學會 第一屆執行委員會 二零一八年三月二十一日